Sjóðið hýðishrísgrjónin í 40 mínútur og kælið stutta stund. Blandið ávöxtunum saman við ásamt chili-aldininu, vorlauknum og safanum af límónunni. Hitið ofninn í 180C. Setjið smjörpappír á bökunarplötu og hellið ólífuolíunni ofan á. Skerið fiskinn í bita og raðið á plötunar. Stráið örlitlu af saltflögum yfir og bakið í 7 mínútur, örlítið lengur ef sneiðarnar eru þykkar. Vinnið saman kóríander og ólífuolíu í matvinnsluvél og saltið. Setjið salsahrísgrjónin á disk og leggið fiskstykki yfir. Hellið u.þ.b. 1 msk af kóríanderolíu yfir og stráið að lokum muldum pistasíuhnetum yfir.
